"Asiya İnkişaf Bankı tərəfindən su resurslarının, kənd təsərrüfatının qida sektorunun inkişafına 7 il ərzində 3,5 milyard dollar həcmində vəsaitin ayrılması nəzərdə tutulub".

APA xəbər verir ki, bunu Asiya İnkişaf Bankının Prezidenti Masatsugu Asakava COP29 çərçivəsində "Mərkəzi Asiyada Regional İqtisadi Əməkdaşlıq (CAREC) İqlim, İnnovasiya və Ticarət Tərəfdaşlığına həsr olunan nazirlərin görüşündə bildirib.

Onun sözlərinə görə, bu addım Mərkəzi Asiya regionunda və bu regionun qərbində yerləşən ölkələrdə dayanıqlılıq və adaptasiya tədbirlərini stimullaşdıracaq:

"Bu regionların su təsərrüfatı məhz suyu buzlaqlardan formalaşan çayların hesabına qidalanır. Ayrılacaq vəsait təkcə investisiya xarakteri daşımayacaq. Əksinə, bu regionda yaşayan fermerlər və ümumilikdə əhali qarşısındakı öhdəliyimizdir. Ayrılacaq vəsait su resurslarının effektiv istifadəsinə, eləcə də region ölkələrinin quraqlıqdan qorunmasına sərf olunacaq. 2030-cu ilədək isə həyata keçirdiyimiz xüsusi proqramlarla bankımız iqlim dəyişikliyi ilə mübarizə tədbirlərinə əlavə 100 milyon ayırmağı düşünür".

Oxşar xəbərlər

Növbəti CAREC forumu Almatıda keçiriləcək

Asiya İnkişaf Bankı Azərbaycana dəmir yollarının inkişafı üçün 47 mln. dollar kredit ayırıb

İnkişaf Bankının Prezidenti: Afrikada iqlim dəyişikliyinin qarşısını almaq üçün 300 milyon dolların ayrılması məqsədəuyğundur

COP29-da “Qlobal maliyyə sistemi: İqlim fəaliyyəti üçün maliyyələşdirmənin artırılması" mövzusunda panel keçirilib - FOTO

CAREC-in İqlim Dəyişikliyi üzrə Fəaliyyət Planı COP29-da təqdim ediləcək