COP29 müddətində 40-a yaxın təcili tibbi yardım briqadasının fəaliyyət göstərməsi nəzərdə tutulub.

Bu barədə "Report"un sualını cavablandıran TƏBİB-in icraçı direktoru Vüqar Qurbanov deyib.

Onun sözlərinə görə, həmin tibb heyətinin qeydiyyat prosesi yekunlaşmaq üzrədir.

Respublika Təcili və Təxirəsalınmaz Tibbi Yardım Mərkəzinin direktoru Mirələm Calalov isə bildirib ki, tədbir iştirakçılarının qaldığı qonaqlama yerlərində 24 saat tibbi xidmət mümkün olacaq: "Bunun üçün regionlarda olan bütün resurslardan istifadə olunacaq. Qeyd edim ki, hava limanından tutmuş qonaqlama yerlərinədək, eləcə də tədbirin keçiriləcəyi bütün məkanların hamısında təcili tibbi yardım briqadaları olacaq".

Qeyd edək ki, COP29 bu il noyabrın 11-22-də Bakıda baş tutacaq.

Oxşar xəbərlər

Azərbaycana 5 ədəd tam elektrikli təcili yardım avtomobili gətiriləcək

Tibb müəssisələrinin tərkibindəki 38 Təcili və Təxirəsalınmaz tibbi yardım şöbəsi vahid mərkəzdə birləşdirilib

Təcili və təxirəsalınmaz tibbi yardım xidmətinin stansiya və filiallarının yeni allokasiya xəritəsi hazırlanır

Ötən ay COP29-a görə 600-ə yaxın tibb və qeyri-tibb heyətinə təlim keçirilib

Təcili tibbi yardım avtomobillərinin avtobus zolaqlarında hərəkətinə icazə verilə bilər