Dövlət və fermerlərin birgə əməkdaşlığı sayəsində Ağalı kəndi əkin məqsədli torpaq istifadəsində ilk nümunə olacaq, bu modelin işğaldan azad olunmuş ərazilərdə genişləndirilməsi planlaşdırılır.

“Sizinxeber.az” xəbər verir ki, bunu Zəngilanda keçirilən Aqrar Biznes Festivalında kənd təsərrüfatı naziri Məcnun Məmmədov bildirib.

O, qeyd edib ki, Ağalı üzrə torpaqların əkin məqsədli istifadəyə verilməsi üçün kənd sakinlərindən müraciətlərin qəbulu bu ilin mart ayında Elektron Kənd Təsərrüfatı İnformasiya Sistemi (EKTİS) ilə aparılıb: “Ümumilikdə kənd sakinlərindən 74 müraciət daxil olub. Onlar təhlil edilib, şərtlərə cavab verən 68 müraciət təsdiqlənib. İlk 3 kooperativlə torpaq istifadə müqavilələri imzalandı. İnanıram ki, dövlətin infrastruktur tam təşkil etdiyi, torpağı əkinə hazır vəziyyətə gətirdiyi və infrastrukturla təmin etdiyi bu ərazilərdə fermerlərimiz məhsul istehsalına yaxın gələcəkdə başlayacaqlar. Ağalıda nazirliyin elmi-tətqiqat inistutları sınaq əkini həyata keçirir. Fermerlərə müxtəlif bitki növlərinin yetişdirilməsini, məhsudarlığı göstərəcəklər”.

Nazir əlavə edib ki, 2026-cı ilin sonuna qədər dövlət proqramı çərçivəsində işğaldan azad edilmiş ərazilərində 44 kəndin salınması və onların əhalisinin qaytarılması nəzərdə tutulub: “Bu kəndlərdə torpaqların fermerlərin birgə qurduqları kooperativlərə təhkim edilməsi planlaşdırılır”.

Oxşar xəbərlər

Ağalıda kənd təsərrüfatı torpaqlarının istifadəsi üçün müraciətlərin qəbuluna başlanılır

Ağalıda torpağın əkin məqsədli istifadəsinə dair icarə müqavilələrinin imzalanmasına başlanılıb

Firudin Tağıyev: "Azərbaycanda kənd təsərrüfatı təyinatlı torpaqların təxminən yarısı əkin üçün yararlıdır"

Azad edilmiş ərazilərdə kənd təsərrüfatı təyinatlı torpaqların güzəştli şərtlərlə icarəyə verilməsi qaydaları təsdiqlənib

Rüstəm Şahbazov: "İşğaldan azad edilmiş ərazilərdə torpaqlar 2 istiqamətdə idarə ediləcək"