Biləsuvar rayonunda pambıq tarlalarında yığıma başlanılıb.

Bu barədə “Report”un Muğan bürosuna Biləsuvar Dövlət Aqrar İnkişaf Mərkəzindən məlumat verilib.

Məlumata görə, bu il rayonda 6 915,8 hektar sahədə pambıq əkilib. İndiyə qədər sahələrdən 420 ton məhsul toplanıb. Hər hektara görə, 31,2-32 sentner məhsul toplanacağı gözlənilir.

Ötən il sahələrdən 18 538,98 ton məhsul əldə olunub və orta məhsuldarlıq hər hektara 27,5 sentner təşkil edib.

Pambıq yığımına 52 maşın, 115 traktor və 265 yedəkli qoşqu cəlb olunub.

Yığımdan əvvəl pambıq kollarının yarpaqlarının tökülməsi məqsədilə tarlalarda defolvasiya işləri aparılıb.

Oxşar xəbərlər

İmişlidə pambıq yığımına başlanılıb

Biləsuvarda pambıq əsasən maşın vasitəsilə yığılacaq

Biləsuvarda pambıq yığımı bir aya yaxın gecikəcək 

Salyanın pambıq tarlalarında məhsulun 95 faizi maşınlarla yığılacaq

İmişlidə pambığın çox hissəsi maşın vasitəsilə yığılacaq