Nigeriyada keçirilən əməliyyat nəticəsində 21 silahlı dəstə üzvü öldürülüb

Nigeriyanın şimalındakı Katsina əyalətində keçirilən əməliyyatda 21 silahlı dəstə üzvü öldürülüb.

Sizinxeber.az xəbər verir ki, ölkədə həyata keçirilən “Meşə Sağlamlığı III” əməliyyatı çərçivəsində ştatın Faskari bölgəsindəki Şavu meşəsində silahlı dəstə üzvlərinə qarşı əməliyyat keçirilib.

Əməliyyat zamanı 21 silahlı dəstə üzvü öldürülüb, çoxlu sayda dəstə üzvü isə yaralanaraq xilas qaçıb.

Silahlı dəstə üzvlərinə aid 40 motosiklet və sursatın da ələ keçirildiyi bildirilir.

Qeyd edək ki, Nigeriya uzun müddətdir ölkənin müxtəlif bölgələrində silahlı dəstələr, həmçinin İŞİD-in Qərbi Afrika qolu olan Boko Haram və ISWAP terror qruplarının hücumları ilə üzləşib.

Ölkədə adam oğurluğuna görə cəza ölüm hökmü olsa da, fidyə qarşılığında adam oğurluğu adi haldır.

Silahlı şəxslər adətən ölkənin şimalındakı kəndləri, məktəbləri və səyahətçiləri hədəf alır, fidyə tələb edirlər.