Filippinin cənubunda zəlzələ nəticəsində ölənlərin sayı 41 nəfərə çatıb.

"Report" AFP-yə istinadən xəbər verir ki, 479 nəfər yaralanıb.

Yerli hakimiyyət orqanlarının məlumatına görə, 20 mindən çox sakin evsiz qalıb.

Bundan əlavə, zəlzələ səbəbindən doqquz körpü və 19 yol zədələnib, dəyən ziyan 900 milyon pesodan (14,6 milyon dollar) çox qiymətləndirilir.

Ümumilikdə 1 889 ev zədələnib, onlardan təxminən 1 500-ü tamamilə dağılıb. Əmlaka dəyən ziyan 15 milyon peso (243 607 dollar) məbləğində qiymətləndirilib.

İlkin məlumata görə, beş regionda 231 dövlət məktəbində 1 159 sinif otağı zədələnib.

05:44

Filippinin cənubunda baş vermiş 7,8 maqnitudalı dağıdıcı zəlzələ qurbanlarının sayı 32-dən 37-yə yüksəlib.

"Report" xəbər verir ki, bu barədə yerli "GMA News" telekanalı məlumat yayıb.

Ölkənin Mülki Müdafiə İdarəsinin məlumatına görə, ümumilikdə 456 nəfər müxtəlif dərəcəli xəsarətlər alıb, daha dörd nəfər isə hələ də itkin düşmüş hesab olunur.

Yerli hakimiyyət nümayəndələri bildirirlər ki, Mindanao adasında təhsil müəssisələri, tibb obyektləri və yaşayış binaları da daxil olmaqla, təqribən 1,9 min tikiliyə ziyan dəyib. Təbii fəlakət nəticəsində onların təxminən 1,5 mini tamamilə dağılıb. Heneral-Santos şəhərindəki beynəlxalq hava limanı da yeraltı təkanlardan zərər çəkib ki, bu da aviareyslərin ləğvinə səbəb olub.

Filippin Mülki Aviasiya İdarəsi xilasetmə əməliyyatlarının aparılması və fəlakətin nəticələrinin aradan qaldırılması məqsədilə hərbi, hökumət və humanitar hava gəmilərinə hava limanından istifadə etməyə icazə verib. Heneral-Santosda fövqəladə vəziyyət rejimi tətbiq edilib.

Oxşar xəbərlər

Filippində baş verən zəlzələdə ölənlərin sayı 37 nəfərə çatıb

Myanmada zəlzələ qurbanlarının sayı 3,8 min nəfərə çatıb

Banqkokda zəlzələ nəticəsində ölənlərin sayı 18 nəfərə çatıb

Myanmada zəlzələ nəticəsində ölənlərin sayı 3 085 nəfərə çatıb

Filippində zəlzələ nəticəsində ölənlərin sayı 32-yə çatıb - YENİLƏNİB-5