Nikaraqua Respublikasının Həmprezidentləri Daniel Orteqa Saavedra və Rosario Murilyo Azərbaycan Prezidenti İlham Əliyevə təbrik məktubu üvanlayıb.

"Report" məktubu təqdim edir:

"Hörmətli Prezident, əziz Qardaş.

Nikaraqua Respublikasının Barışıq və Milli Birlik Hökuməti və xalqı adından, həmçinin öz adımızdan Sizi, qardaş Azərbaycan Respublikasının xalqını və Hökumətini 28 May – Müstəqillik Günü münasibətilə səmimi-qəlbdən təbrik edirik.

Biz hörmətli Azərbaycan xalqının tarixini, ləyaqətini və vətənpərvərlik ruhunu dəyərləndirir, ölkənizin suverenliyinə, tərəqqi və rifah yoluna hörmətimizi bir daha ifadə edirik.

Mübarək və əbədi azad Nikaraquamızdan xalqlarımızı və hökumətlərimizi birləşdirən dostluq və əməkdaşlıq əlaqələrini qarşılıqlı hörmət prinsipi əsasında daha da möhkəmləndirmək iradəmizi bir daha təsdiqləyirik.

Cənab Prezident, əziz Qardaş, Sizə və dost Azərbaycan xalqına davamlı sülh, tərəqqi və yeni qələbələr arzulayır, ən səmimi qardaşlıq salamlarımızı qəbul etməyinizi xahiş edirik".

Oxşar xəbərlər

Nikaraqua Prezidenti və vitse-prezidenti Azərbaycan liderini təbrik ediblər

Prezident İlham Əliyev milli bayram münasibətilə nikaraqualı həmkarını təbrik edib

Dünya liderləri Prezident İlham Əliyevi təbrik edirlər

Türkmənistanın Prezidenti İlham Əliyevi təbrik edib

Sadır Japarov Prezident İlham Əliyevə təbrik məktubu ünvanlayıb