Gürcüstanla Azərbaycan arasında münasibətlər yüksək səviyyədədir, ölkələrimiz arasında strateji tərəfdaşlıq mövcuddur.

Sizinxeber.az-nın yerli bürosu xəbər verir ki, bunu Gürcüstan baş nazirinin müavini, xarici işlər naziri Maka Boçorişvili ölkənin nümayəndə heyətinin Bakıda keçirilən BMT-nin Ümumdünya Şəhərsalma Forumunun 13-cü Sessiyasında iştirakını şərh edərkən deyib.

O, Azərbaycanın Gürcüstan üçün mühüm tərfədaş olduğunu bildirib.

"Ölkələrimiz arasında prioritet məsələlər üzrə məlumat mübadiləsi əlbəttə ki, vacib əhəmiyyət kəsb edir", - nazir əlavə edib.

Boçorişvili qeyd edib ki, Baş nazir İrakli Kobaxidzenin tədbirdə iştirakı həm Gürcüstanın mövqeyinin səsləndirilməsinə, həm də tərəfdaş ölkələrin nümayəndələri ilə ikitərəfli görüşlərin keçirilməsinə imkan verəcək.

"Bakı yüksək səviyyəli konfransa, müxtəlif dünya liderlərinin və beynəlxalq təşkilatların nümayəndələrinin iştirak edəcəyi görüşə ev sahibliyi edir. Əlbəttə ki, bu, Gürcüstan üçün vacib olan məsələləri vurğulamaqdan ötrü vacib platformadır", - XİN rəhbəri əlavə edib.

Oxşar xəbərlər

Azərbaycan və Gürcüstan liderlərinin müzakirə edəcəyi məsələlər açıqlanıb

XİN başçısı: Gürcüstan Aİ ilə danışıqlara hazırdır

İrakli Kobaxidzenin Azərbaycana səfər proqramı açıqlanıb

Boçorişvili: Azərbaycan-Gürcüstan-Ermənistan görüşü region üçün vacib olan məsələlərin müzakirəsi üçün yaxşı imkandır

Kobaxidze Özbəkistana səfər edib