Türkiyənin şimalındakı Çorum şəhərində avtobusun iştirakı ilə baş vermiş yol-nəqliyyat hadisəsində 23 nəfər yaralanıb.

“Sizinxeber.az” “TRT Haber”ə istinadən xəbər verir ki, bu barədə “Anadolu” məlumat yayıb.

“Adana Qızıl Portağal Çiçəyi Festivalından qayıdan şəxsləri daşıyan <…> tur şirkətinə məxsus avtobus Yozqat – Çorum şosesində Elicek kəndi yaxınlığında yoldan çıxaraq yol kənarındakı torpaq əraziyə çırpılıb”, – məlumatda qeyd olunub.

Bildirilib ki, 54 nəfərin olduğu nəqliyyat vasitəsində 23 nəfər yaralanıb. Olduqları yerdə sıxılı vəziyyətdə qalan bəzi yaralılar xilasedicilər tərəfindən qurtarılıblar.

Yaralıların həyati təhlükədə olmadığı vurğulanıb.

Oxşar xəbərlər

Ərzincanda şagirdləri daşıyan mikroavtobus qəzaya uğrayıb, yaralılar var

Türkiyədə avtobus aşıb, iki nəfər ölüb, 16 nəfər yaralanıb

Kayseridə ağır yol-nəqliyyat hadisəsində 17 nəfər yaralanıb

Ekvadorda avtobus aşıb, 9 nəfər ölüb

Türkiyədə ağır yol qəzası olub, bir nəfər ölüb, 19 nəfər yaralanıb