Ermənistan parlamentinin sədri Alen Simonyan ölkənin üç keçmiş prezidentini seçilməmiş üçlük adlandırıb.

Bu barədə “Sizinxeber.az” yerli mətbuata istinadən xəbər verir.

"Onlar siyasi meyitlərdir. Nə Robert Köçəryan, nə də Serj Sarkisyan prezident seçilib. Levon Ter-Petrosyan da 1996-cı ildə prezident seçilməyib. Onlar seçilməmiş üçlükdür", - Simonyan jurnalistlərlə söhbətində deyib.

Baş nazir Nikol Paşinyan martın 27-də parlamentdə “hökumət saatı” zamanı deyib ki, keçmiş prezidentlər ona təslimçi adlandırırlar. O, növbəti dəfə Levon Ter-Petrosyanı, Robert Köçəryanı və Serj Sarkisyanı debata dəvət edib və aqressiv tonda “onları divara sıxacağını” bildirib. Paşinyan iddia edib ki, divardan “siyasi meyitlərin qalıqları qoparılacaq”.

Simonyan isə bildirib ki, o, Paşinyanın sözlərini təsdiqləyir. Bundan əlavə, o, keçmiş prezidentlərin ofislərinin Paşinyanın çıxışına cavab verməsi ilə bağlı bildirib ki, sabiq dövlət başçılarının yalnız bir yolu var – debatlar: “Üç keçmiş prezidentdən biri maraqlı debata gedə bilərmi? Biz onları hamımız yaxşı tanıyırıq”, - parlamentin spikeri qeyd edib.

Oxşar xəbərlər

Alen Simonyan: Reqlamentin mövcudluğu Azərbaycan və Ermənistanın ən böyük qələbəsidir

Alen Simonyan: Sülh sazişi ətrafında proses dayandırılmayıb, müsbət dinamika var

Simonyan: Ermənistan Aİİ-dən çıxmağa hazırlaşmır