ABŞ-də təyyarə qəzasında həlak olan üç nəfərin Rusiya pasportu olub.

“Sizinxeber.az” Rusiya KİV-ə istinadən xəbər verir ki, bu barədə ölkənin Xarici İşlər Nazirliyinin rəsmi nümayəndəsi Mariya Zaxarova brifinqdə bildirib.

"Səfirliyimizin məlumatına görə, bu təyyarə qəzasının üç qurbanının Rusiya pasportu var. Dördüncü şəxsə gəlincə, onun da Rusiya pasportunun ola biləcəyi ehtimal edilir, bu məlumat hazırda yoxlanılır", - diplomat qeyd edib.

Xatırladaq ki, “American Airlines” aviaşirkətinə məxsus “Bombardier CRJ700” təyyarəsi Vaşinqtonda Reyqan milli hava limanı yaxınlığında “Sikorsky H-60 Black Hawk” hərbi helikopteri ilə toqquşduqdan sonra Potomak çayına düşüb. Təyyarədə 60 sərnişin və dörd ekipaj üzvü, helikopterdə isə üç ekipaj üzvü olub.

ABŞ Prezidenti Donald Tramp bildirib ki, təyyarə qəzası nəticəsində heç kim sağ qalmayıb.

Oxşar xəbərlər

ABŞ-də təyyarə qəzasından bir gün əvvəl helikopterlə bağlı başqa bir hadisə baş verib

Tramp: Vaşinqtondakı təyyarə qəzasında sağ qalan yoxdur

Vaşinqtonda təyyarə qəzasında həlak olan 40 nəfərin meyiti tapılıb

Vaşinqton səmasında təyyarə helikopterlə toqquşduqdan sonra iki yerə parçalanıb

ABŞ-də sərnişin təyyarəsi helikopterlə toqquşub, ölənlər və yaralılar var - YENİLƏNİB