Rusiya xarici işlər naziri Sergey Lavrov erməni həmkarı Ararat Mirzoyanın İrəvana səfər dəvətindən istifadə edəcəyini bildirib.

“Sizinxeber.az” Rusiya KİV-lərinə istinadən xəbər verir ki, bunu Rusiya XİN başçısı Sergey Lavrov erməni həmkarı Ararat Mirzoyanla danışıqların yekunlarına dair mətbuat konfransında deyib.

"Mən mütləq İrəvana səfər dəvətindən istifadə edəcəyəm. Həmçinin nazir müavinləri arasında dialoqun müntəzəmliyini bərpa edəcək və dəstəkləyəcəyik", - o bildirib.

S.Lavrovun sözlərinə görə, tərəflər yaxın vaxtlarda diplomatik qurumlar arasında növbəti ikiillik məsləhətləşmələr planını hazırlamaq barədə razılığa gəliblər.

Bundan əlavə, o bildirib ki, Moskvan “3+3 məsləhətləşmə formatının işini perspektivli hesab edir: "Cənubi Qafqazın üç ölkəsi - Ermənistan, Azərbaycan, Gürcüstan və onların üç qonşusu Rusiya, İran və Türkiyə. Bu platformanı çox perspektivli hesab edirik".

Oxşar xəbərlər

Lavrov: Rusiya “3+3” regional əməkdaşlıq platformasını olduqca perspektivli hesab edir

Lavrov: Moskva İrəvanla Bakı arasında normallaşmaya kömək etməyə hazırdır

Lavrov: Rusiya Ermənistan-Azərbaycan münasibətlərinin normallaşması məsələsində heç kəsin tərəfini tutmur

Sergey Lavrov Səudiyyə Ərəbistanına səfər edib

Sergey Lavrov Rusiya-Azərbaycan münasibətlərini etibarlı adlandırıb