Avropa İttifaqı (Aİ) Ermənistanın üzvlük üçün mümkün müraciətini ətraflı nəzərdən keçirəcək.

“Report” Ermənistan KİV-ə istinadən xəbər verir ki, bu barədə bu gün Brüsseldə Avropa Parlamentinin Xarici Əlaqələr Komitəsinin iclasında çıxış edən Aİ-nin genişlənmə üzrə komissarı Marta Kos bildirib.

“Bu, seçimdir, biz bütün müraciətləri çox diqqətlə nəzərdən keçirməliyik və Ermənistanla da belə olacaq. Əgər Ermənistan müraciət etmək qərarına gəlsə, bu seçim müəyyən öhdəliklərlə bağlı olacaq. Əminəm ki, planımda qeyd edildiyi kimi, əvvəlcədən nə etmək lazım olduğunu və ya hansı məsələlər barədə məlumat mübadiləsinin tələb olunduğunu yerində başa düşmək üçün ilin birinci yarısında Ermənistana səfər edəcəyəm”, - o deyib.

Xatırladaq ki, ötən həftə Ermənistan hökuməti ölkənin Aİ-yə daxil olması prosesinə başlamaqla bağlı qanun layihəsini təsdiqləyib və onu parlamentin müzakirəsinə göndərib.

Oxşar xəbərlər

Avropa Komissiyası Ermənistanla Aİ-yə daxil olma təşəbbüsünü müzakirə edəcək

Overçuk: Ermənistan Aİ və Aİİ arasında seçim qarşısındadır

Peskov: Ermənistanın Aİ və Aİİ-də eyni zamanda üzvlüyü mümkün deyil

Ermənistanda Aİ-yə üzvlüklə bağlı imzatoplama kampaniyası başlayıb

Aİ Şurası Ermənistana 10 milyon avro yardım ayrılmasını təsdiqləyib