Almaniyanın xarici işlər naziri Annalena Berbok Finlandiya və Estoniya arasındakı “EstLink 2” kabelinin zədələnməsi fonunda Rusiyaya qarşı yeni sanksiyaların tətbiq edilməsinə çağırıb.

“Report” xəbər verir ki, bu barədə o, “Funke” media qrupunun nəşrlərinə müsahibəsində bildirib.

"Aİ yeni sanksiyalar tətbiq etməlidir", - nazir qeyd edib.

Berbok həmçinin kritik əhəmiyyətli infrastrukturun mühafizəsinin gücləndirilməsinə və milli müdafiəyə investisiyaların artırılmasına çağırıb.

"Biz NATO üzrə tərəfdaşlarımızla birlikdə Baltik dənizini hibrid təhdidlərdən daha yaxşı necə qoruya biləcəyimizi müzakirə edirik", - o əlavə edib.

Finlandiya və Estoniya arasındakı “EstLink 2” elektrik xətti dekabrın 25-də sıradan çıxıb. Finlandiya polisi Kuk adalarının bayrağı altında üzən “Eagle S” gəmisinin lövbərinin kabeli zədələməsindən şübhələnir. Finlandiya gömrüyü isə “Eagle S” gəmisinin Rusiyanın enerji məhsullarını daşıdığını iddia edir.

Oxşar xəbərlər

Estoniya və Finlandiya Baltik dənizini Rusiya gəmiləri üçün bağlaya bilər

Litvadan Rusiyaya gedən təyyarə Finlandiya tərəfindən saxlanılıb

Almaniya və Finlandiya dənizaltı rabitə kabelinin zədələnməsini araşdırır

Baltik dənizinin Finlandiya akvatoriyasında NATO təlimləri keçirilib