Qazaxıstan Prezidenti Kasım-Jomart Tokayev Birləşmiş Millətlər Təşkilatının (BMT) universal bir birlik kimi alternativinin olmadığını, lakin onun islahata ehtiyacı olduğunu bildirib.

“Sizinxeber.az” xəbər verir ki, bu barədə Tokayev Qətərin paytaxtı Doha Forumunda moderatorun suallarını cavablandırarkən deyib.

“BMT universal bir təşkilat kimi bəşəriyyət üçün tamamilə zəruridir. Böyük güclər, təəssüf ki, qlobal dünyanı daha təhlükəsiz edə bilmədilər. İndiki reallıqlar isə bir çox ölkələri, o cümlədən Qazaxıstanı çox narahat edir. Ona görə də BMT-də islahatlar aparılmalıdır”, - deyə o bildirib.

Qazaxıstan lideri qeyd edib ki, böyük dövlətlər arasında körpülər qurulmalıdır, onların olmaması BMT Təhlükəsizlik Şurasını çıxılmaz vəziyyətə salıb:

“Qazaxıstan da daxil olmaqla, orta dövlətlər həm regional, həm də qlobal səviyyədə sülh və təhlükəsizliyin təşviqində çox mühüm rol oynaya bilər”.

Oxşar xəbərlər

Tokayev: Qazaxıstan və Rusiya əməkdaşlığında müsbət dinamika var

Qazaxıstan enerji çatışmazlığını azaltmaq üçün Aİ-yə neft ixracını artırmağa hazırdır

Tokayev Qətər əmiri ilə ikitərəfli əlaqələri və investisiya layihələrini müzakirə edib

Tokayev: Orta Dəhliz Avropaya ən qısa və ən etibarlı marşrutdur