Ermənistan Kollektiv Təhlükəsizlik Müqaviləsi Təşkilatının (KTMT) noyabrın 28-də Astanada keçiriləcək sammitində iştirak etməyəcək.

“Report” Rusiya KİV-lərinə istinadən xəbər verir ki, bunu Rusiyanın KTMT-dəki daimi nümayəndəsi Viktor Vasilyev bildirib.

"Erməni həmkarlar bu tədbirdə şəxsən iştirak etməkdən imtina ediblər. Bununla belə, onlar təsdiq edilməsi nəzərdə tutulan bütün sənədlərin məhdud formatda qəbul edilməsinə etiraz etmirlər", - o qeyd edib.

Noyabrın 28-də Astanada əvvəlcə Xarici İşlər Nazirləri Şurası, Müdafiə Nazirləri Şurası və Təhlükəsizlik Şuralarının Katibləri Komitəsinin birgə iclası, daha sonra isə KTMT Kollektiv Təhlükəsizlik Şurasının sessiyası keçiriləcək.

İştirakçı ölkələr regional və beynəlxalq təhlükəsizlik məsələlərini müzakirə edəcəklər. İclasın yekunları üzrə bir sıra sənədlər qəbul ediləcək.

Oxşar xəbərlər

Ermənistan KTMT-nin daha bir təlimində iştirakdan imtina edib

Ermənistan KTMT-nin “Kobalt-2024” təlimlərində iştirak etməyəcək

Nyu-Yorkda KTMT xarici işlər nazirlərinin görüşü keçirilir