Terrorçular TUSAŞ-a hücumla təkcə bir təşkilatı deyil, Türkiyənin sülh və təhlükəsizliyini hədəfə alıblar.

"Sizinxeber.az" xəbər verir ki, bu barədə Türkiyə Prezidenti Rəcəb Tayyib Ərdoğan Türk Aviasiya və Kosmik Sənaye Səhmdar Cəmiyyətində (TUSAŞ) olan terror aktı barədə jurnalistlərə açıqlamasında deyib.

Ərdoğan qeyd edib ki, Türkiyə əlində olan bütün vasitələrdən istifadə edərək terrora qarşı mübarizəsini davam etdirir:

"Suriyadan və ya fərqli yerlərdən bizə qarşı təxribatı hər an düşünmək, bütün təhlükəsizliyimizi təmin etmək məcburiyyətindəyik. Məqsədimiz tam müstəqil, vahid, bütöv və firavan Türkiyədir. Terrorun qaranlıq və qanlı kölgəsinin ölkəmizdən tamamilə çəkildiyi işıqlı, dinc və təhlükəsiz Türkiyə qurmaq məqsədimizə mütləq nail olacağıq. Müdafiə sənayemiz bunun flaqmanı olacaq. Biz satqınlara baxmayaraq, daha çox çalışacağıq, daha çox istehsal edəcəyik".

Qeyd edək ki, oktyabrın 23-də Ankarada TUSAŞ-ın ərazisində törədilən terror aktı nəticəsində 5 nəfər ölüb, 22 nəfər yaralanıb.

Oxşar xəbərlər

Ərdoğan Rəisi ilə telefonla danışıb, terror aktı ilə bağlı başsağlığı verib

Ərdoğan yenə İsrailin nüvəsindən danışdı: Şikayət etmişik

Ərdoğan: “Terror hücumları ilə millətimizi bölmək dövrü bitib, uduzacaqlar"

Ərdoğan: Ankarada törədilən terror aktı Türkiyənin terrorla mübarizə əzmini gücləndirib

Ərdoğan: Türkiyə bütün təhdidləri dəf edib