Qazaxıstan vətəndaşlarının 71 faizdən çoxu və ya 5,5 milyon nəfər ölkədə Atom Elektrik Stansiyasının (AES) tikintisi layihəsinin lehinə səs verib.

"Sizinxeber.az"un Qazaxıstan bürosu bu barədə oktyabrın 6-da keçirilmiş ümummilli referendumun yekun nəticələrini bu gün açıqlamış Mərkəzi Referendum Komissiyasına istinadən xəbər verir.

“Oktyabrın 6-da AES-in tikintisi layihəsi üzrə keçirilən səsvermədə 7 820 200 nəfər və ya ölkə vətəndaşlarının 63,66 faizi iştirak edib. Onların 71,12 faizi və ya 5 561 937 nəfəri layihənin lehinə, iki milyon nəfərdən çoxu (2 045 270) isə əleyhinə səs verib”, - komissiyanın nümayəndəsi Nurlan Abdirov bildirib.

Referendumda 12 284 487 qazaxıstanlı səsvermə hüququna malik olub.

Xatırladaq ki, Qazaxıstanda AES-in tikintisi layihəsi üçün müraciət edənlərin qısa siyahısına Çin, Cənubi Koreya, Fransa və Rusiya şirkətləri daxildir.

Oxşar xəbərlər

Qazaxıstanda AES-in inşası ilə bağlı referendumun nəticəsi açıqlanıb

Əhalinin 71 faizi Qazaxıstanda AES-in tikintisini dəstəkləyib

Ekspert: Qazaxıstanda AES-in tikintisi üzrə beynəlxalq konsorsiumun yaradılması risklidir

Qazaxıstanda AES tikintisi ilə bağlı referendum keçiriləcək

Qazaxıstanda ilk AES-in tikintisi ilə bağlı referendum başlayıb