ABŞ və İran münaqişənin dayandırılmasına dair sazişin yekun mətnini razılaşdırıblar, rəsmi İslamabad isə hazırda onun imzalanması prosedurunu başa çatdırmaq üçün hər iki tərəflə sıx əməkdaşlıq edir.

"Report" xəbər verir ki, bu barədə Pakistanın Baş naziri Şahbaz Şərif "X" sosial şəbəkəsində bildirib.

Onun sözlərinə görə, İslamabadın fəal vasitəçilik səyləri fonunda sülh prosesinin pozulmasında maraqlı olan qüvvələr tərəfindən əsassız məlumatların yayılması davam edir:

"Bu cür cəhdlərə baxmayaraq, tərəflər sənədin yekun mətnini razılaşdıra biliblər. Əsassız məlumatlarla bağlı bütün səs-küyü bir kənara qoysaq, sülh sazişinin yekun razılaşdırılmış mətninin artıq hazır olduğunu təsdiqləyə bilərik. Hazırda Pakistan sonrakı addımlar üzərində hər iki tərəflə sıx işləyir".

Ş.Şərif həmçinin yaxın vaxtlarda razılığın əldə olunacağına inandığını bildirib:

"Sülh hələ heç vaxt indiki qədər yaxın olmamışdı".

Oxşar xəbərlər

Şahbaz Şərif: ABŞ və İran sülh müqaviləsinin mətni ilə bağlı razılığa gəlib

Şahbaz Şərif: Pakistan İran-ABŞ danışıqlarına ev sahibliyi etməyə hazırdır

Şərif İsrailin Livana davam edən zərbələrini pisləyib

Şahbaz Şərif Yaxın Şərqdəki münaqişə tərəflərini atəşkəsə riayət etməyə çağırıb

Pakistan İranla razılaşma üçün Trampdan vaxt istəyib