Fransa Yaxın Şərqdə diplomatik yanaşmanın davam etdirilməsini dəstəkləyir və ABŞ ilə İran arasında aparılan danışıqlarla bölgədə sülhün bərqərar olacağına ümid edir.

"Report" xəbər verir ki, bunu Fransanın xarici işlər naziri Jan-Noel Barro iranlı həmkarı Abbas Əraqçi ilə telefon danışığında vurğulayıb.

"Fransanın xarici işlər naziri ölkəsinin diplomatik yanaşmanın davam etdirilməsini dəstəkləyən mövqeyini vurğulayaraq aparılan danışıqlarla bölgədə sülhün bərpasına şahidi olacaqlarına ümid etdiyini bildirib", - A. Əraqçinin "Telegram" kanalında telefon danışığının təfərrüatı barədə bildirilib.

Əlavə edilib ki, Əraqçi fransalı həmkarını atəşkəslə bağlı son vəziyyət və proseslər, eləcə də müharibəni sona çatdırmaq üçün diplomatik səylər barədə məlumatlandırıb və Avropa ölkələrinin bu prosesdə konstruktiv rol oynamasının vacibliyini vurğulayıb.

"İran və Fransa xarici işlər nazirləri ikitərəfli, eləcə də digər regional tərəflərlə məsləhətləşmələrin davam etdirilməsini vurğulayıblar", - məlumatda qeyd olunub.

Oxşar xəbərlər

Əraqçi qətərli həmkarı ilə regiondakı vəziyyəti müzakirə edib

Əraqçi və İshaq Dar arasında telefon danışığı baş tutub

Əraqçi Türkiyənin regionda vəziyyətin sabitləşdirilməsi səylərini alqışlayıb - YENİLƏNİB

İran və Fransanın XİN başçıları İslamabad danışıqlarını müzakirə ediblər

Əraqçi və Cənubi Koreyanın XİN rəsmisi Yaxın Şərqdəki vəziyyəti müzakirə ediblər