Əraqçi qətərli həmkarı ilə regiondakı vəziyyəti müzakirə edib
sizinxeber.az xəbər saytı

Əraqçi qətərli həmkarı ilə regiondakı vəziyyəti müzakirə edib


İranın xarici işlər naziri Abbas Əraqçi qətərli həmkarı Şeyx Məhəmməd bin Əbdülrəhman bin Casim Al Tani ilə telefonla danışıb və regiondakı vəziyyəti müzakirə ediblər.

"Report" xəbər verir ki, bu barədə A. Əraqçi özününü "Telegram" kanalında məlumat paylaşıb.

"Telefon danışığında son regional hadisələr və davam edən diplomatik proseslər müzakirə edilib", - o yazıb və əlavə edib ki, söhbət zamanı regiondakı mövcud vəziyyətin müxtəlif aspektləri, xüsusən də atəşkəs və onun möhkəmləndirilməsi yolundakı çağırışlarla bağlı hadisələr barədə informasiya verilib:

Əraqçi qətərli həmkarını müharibənin dayandırılması və gərginliyin azaldılması istiqamətində İranın son təşəbbüsləri və diplomatik səyləri barədə məlumatlandırıb.

"Söhbətin davamında tərəflər böhranların idarə olunmasında region ölkələrinin konstruktiv rolunun vacibliyini qeyd edərək, sülh təşəbbüslərinin dəstəklənməsi və regional sabitliyin gücləndirilməsi məqsədilə məsləhətləşmələrin və diplomatik koordinasiyanın davam etdirilməsinin zəruriliyini vurğulayıblar".

Qətərin xarici işlər naziri İranın diplomatik yanaşmasını alqışlayaraq, həmçinin ölkəsinin müharibənin dayandırılması məqsədilə vasitəçilikdə və dialoqların dəstəklənməsində fəal rolunu davam etdirməyə hazır olduğunu qabardıb.

Oxşar xəbərlər

Əraqçi və Bayramov regiondakı cari vəziyyəti müzakirə ediblər - YENİLƏNİB
İran və Qətərin XİN başçıları regional məsələləri müzakirə ediblər
Əraqçi və Bayramov regiondakı cari vəziyyəti müzakirə ediblər
Qətərin Baş naziri: Hörmüz boğazından danışıqlarda rıçaq kimi istifadə edilməməlidir
Əraqçi və İshaq Dar İranla ABŞ arasında əldə olunan atəşkəsi müzakirə ediblər

Ən son xəbərləri bizim

"Facebook" səhifəmizdə izləyin

Digər xəbərlər