Türkiyə Böyük Millət Məclisinin (TBMM) keçmiş sədri Hüsaməddin Cindoruk vəfat edib.

"Sizinxeber.az" "Haber Global"a istinadən xəbər verir ki, sabiq TBMM sədri 93 yaşında müalicə aldığı xəstəxanada həyatını itirib.

Qeyd edilib ki, H. Cindoruk 1933-cü ildə İzmirdə anadan olub. Ankara Universitetinin Hüquq fakültəsini bitirib, hüquqşünas kimi fəaliyyət göstərib. O, siyasi karyerasına Demokrat Partiyasının ənənəsi ilə başlayıb. 1960-cı il çevrilişindən sonra bağlanan Demokrat Partiyasının davamçıları olan partiyalarda fəal rol oynayıb. O, Doğru Yol Partiyasının (DYP) qurucularından olub və uzun illər onun sədri olub.

1991-ci il seçkilərindən sonra Türkiyə Böyük Millət Məclisinin sədri (1991-1995) olub. Süleyman Dəmirəl prezident seçildikdən sonra bir müddət DYP sədri vəzifəsini də icra etdi. Türkiyə siyasətində sağ mərkəzçilərin önəmli simalarından biri kimi tanınan Cindoruk eyni zamanda prezident səlahiyyətlərini icra edirdi.

Oxşar xəbərlər

Ərdoğan TBMM-in sədrini qəbul edib

Türkiyə Cümhuriyyət Xalq Partiyasının keçmiş sədri vəfat edib

Numan Kurtulmuş yeniden TBMM sədri seçilib

TBMM sədri: Türkiyənin sözünü Rusiya da, ABŞ da eşidir