Ermənistan xarici işlər naziri Ararat Mirzoyan iranlı həmkarı Abbas Əraqçi ilə telefon danışığı aparıb.

“Report” Ermənistan KİV-ə istinadən xəbər verir ki, söhbət zamanı Mirzoyan Azərbaycan və ABŞ liderləri ilə avqustun 8-də Vaşinqtonda keçirilən görüşlərin nəticələrinə, o cümlədən regional nəqliyyat kommunikasiyalarının blokdan çıxması və inkişafı üzrə əldə olunmuş razılaşmalara, həmçinin gələcək birgə addımlara toxunub.

O vurğulayıb ki, Bakı və İrəvanın Birgə Bəyannaməsi infrastrukturların istismarının, o cümlədən Ermənistanda ABŞ-nin iştirakı ilə tikiləcək infrastrukturun istismarının dövlətlərin ərazi bütövlüyü, suverenliyi və yurisdiksiyası nəzərə alınmaqla həyata keçiriləcəyini təsdiq edir.

Tərəflər həmçinin Ermənistan və İran arasında qarşıdan gələn yüksək səviyyəli məsləhətləşmələrə və təmaslara hazırlıqla bağlı fikir mübadiləsi aparıblar.

Oxşar xəbərlər

Ermənistan və İran XİN başçıları ikitərəfli gündəlikdə duran məsələləri müzakirə ediblər

Ermənistan və Gürcüstan XİN başçıları regional məsələləri müzakirə ediblər

Mirzoyan finlandiyalı həmkarı ilə Azərbaycanla sülh prosesini müzakirə edib

İran və Ermənistan XİN başçıları arasında telefon danışığı olub

Türkiyə və İran XİN başçıları arasında telefon danışığı olub