Ukrayna və ABŞ hərbi ehtiyaclar üçün kimyəvi maddələrin istehsalı üzrə birgə müəssisə yaradacaqlar

Ukrayna və ABŞ hərbi ehtiyaclar üçün xüsusi kimyəvi maddələrin istehsalı üzrə birgə müəssisə yaradacaqlar.

"Report" xəbər verir ki, bu barədə Ukrayna KİV-ləri "Ukroboronprom" müdafiə konsernə istinadən məlumat yayıb.

"Müəssisə ABŞ-də yerləşəcək və Ukrayna Müdafiə Qüvvələri üçün döyüş sursatlarının istehsalında istifadə olunan məhsullar istehsal edəcək", - məlumatda bildirilib.

Qeyd olunub ki, bu barədə sənəd iyulun 11-də Romada Ukraynanın bərpası məsələlərinə dair beynəlxalq konfrans çərçivəsində ABŞ-nin “D&M Holding Company” şirkəti ilə imzalanıb.