ABŞ Prezidenti Donald Trampın İran və İsrail arasında guya əldə edilmiş atəşkəs haqqında bəyanatı tamamilə yalandır. Bəyanat “ictimai rəyi yayındırmaq məqsədi daşıyır”.

“Sizinxeber.az” xəbər verir ki, bu barədə “Fars News”a məlumatlı mənbə bildirib.

“Donald Tramp tərəfindən səsləndirilmiş atəşkəs planı tamamilə yalandır və ABŞ-nin regiondakı bazalarına zərbələr nəticəsində onların son alçalmasından ictimai rəyi yayındırmaq məqsədilə irəli sürülüb”, – agentlik mənbəyə istinadən qeyd edib.

“Fars News” həmçinin vurğulayıb ki, İran atəşkəs barədə nə rəsmi, nə də qeyri-rəsmi təklif alıb. Mənbənin sözlərinə görə, İran bu informasiya kampaniyasına cavab olaraq “yaxın saatlarda praktikada və döyüş meydanında İsrailə bu bəyanatın nə qədər yalan olduğunu sübut edəcək”.

Xatırladaq ki, daha əvvəl Tramp Təl-Əviv və Tehran arasında atəşkəs razılaşmasının əldə olunduğunu açıqlamışdı.

Oxşar xəbərlər

İran və İsrail atəşkəslə bağlı razılığa gəlib

Tramp: İsrail və İran tam atəşkəsə razılaşıblar

Tramp Ukraynada atəşkəs əldə olunmayacağı təqdirdə sanksiyalarla hədələyib

İran prezidenti İsrailin hücumlarına cavab verəcəyini açıqlayıb

İran Prezidenti Donald Trampı sərt tənqid edib