Mayın 3-dən 4-nə keçən gecə Moskvanın mərkəzinə PUA hücumu edilib.

Sizinxeber.Az xəbər verir ki, bu barədə Rusiya Teleqram kanalları məlumat yayıb.

Məlumata görə, hücum zamanı PUA hündürmərtəbəli yaşayış binasına çırpılıb.

Moskva meri Sergey Sobyanin də faktı təsdiqləyib.

“"İlkin məlumatlara görə, dron Mosfilmovskaya rayonundakı binaya dəyib. Xəsarət alan olmayıb. Hadisə yerində yardım xidmətləri işləyir”, - mer bildirib.

“Exilenova+” Teleqram kanalı da yazıb ki, Moskvada binaya çırpılan PUA FP-1 tipli tam zərbə dronu olub.

"Bu, uzun müddət sonra Kremlin yaxınlığında Ukrayna hücum dronlarının ilk dəfə qeydə alındığı haldır", - kanal bildirib.

“Azadlıq” radiosunun jurnalisti Mark Krutovun sözlərinə görə, Ukraynaya məxsus pilotsuz təyyarə “Pantsir” raketdən müdafiə sistemini uğurla keçərək, Kremldən cəmi 6 kilometr aralıda yerləşən Moskvanın elit rayonunda yaşayış binasına zərbə endirib.

Oxşar xəbərlər

Sobyanin: Moskvaya uçan dörd PUA vurulub

Baş Qərargah: Rusiya Ukraynaya 251 zərbə dronu ilə hücum edib

Sobyanin: HHM sistemi Moskvaya doğru uçan daha bir PUA-nı vurub - YENİLƏNİB

Ukraynaya kütləvi dron hücumu: bina çökdü, ölənlər var - Foto

Rusiya yenə Dneprə zərbə endirib, 7 nəfər yaralanıb - YENİLƏNİB