Putin Volqoqrad beynəlxalq hava limanına “Stalinqrad” adının verilməsi barədə fərman imzalayıb

Rusiya Prezidenti Vladimir Putin Volqoqrad beynəlxalq hava limanına “Stalinqrad” tarixi adının verilməsi barədə fərman imzalayıb.

APA xəbər verir ki, bu barədə Kremlin mətbuat xidməti məlumat yayıb.

“1941–1945-ci illər Böyük Vətən Müharibəsində sovet xalqının Qələbəsinin əbədiləşdirilməsi məqsədilə Volqoqrad beynəlxalq hava limanına 'Stalinqrad' tarixi adının verilməsi qərara alınır”, -Fərmanda bildirilir:

Qeyd edək ki, Stalinqrad döyüşü İkinci Dünya Müharibəsinin ən mühüm dönüm nöqtələrindən biri sayılır və bu adın hava limanına verilməsi simvolik əhəmiyyət daşıyır.