Rusiya Baş Prokurorluğu “Taliban” hərəkatını terrorçular siyahısından çıxarmağı xahiş edib.

APA-nın Moskva müxbiri xəbər verir ki, bu barədə Rusiya Federasiyası Ali Məhkəməsinin mətbuat xidməti məlumata yayıb.

Bildirilib ki, Baş prokurorluq “Taliban” hərəkatının Rusiya ərazisində fəaliyyətinə qoyulan qadağanı müvəqqəti dayandırmağı xahiş edir.

Məhkəmə aprelin 17-də keçiriləcək iclasda Baş prokurorluğun müraciətinə baxacaq.

Qeyd edək ki, 2024-cü ilin dekabrında Rusiya prezidenti Vladimir Putin Talibanın terror təşkilatları siyahısından çıxarılmasına icazə verən qanunu imzalayıb.

Rusiya Federasiyasının Ali Məhkəməsi 2003-cü ilin fevralında Taliban hərəkatını terrorçu elan edib və təşkilatın Rusiyada fəaliyyəti qadağan edilib.

Oxşar xəbərlər

Rusiya tezliklə Talibanı terror təşkilatları siyahısından çıxaracaq

Rusiya "Taliban"ı yaxın zamanda terror təşkilatları siyahısından çıxarmaq qərarına gəlib

Qırğızıstan XİN "Taliban"ın qadağan olunmuş təşkilatlar siyahısından çıxarılmasını təsdiqləyib

Şoyqu Əfqanıstana səfər edib, Talibanın daxili işlər naziri ilə görüşüb

Qırğızıstan “Taliban”ı qadağan olunmuş təşkilatlar siyahısından çıxarıb