Moskvada baş vermiş partlayış nəticəsində ilkin məlumata görə Rusiya Silahlı Qüvvələrinin general-leytenantı və onun köməkçisi həlak olub.

APA Rusiyanın “Telegram” kanallarına istinadən xəbər verir ki, Moskvanın Nijni Novqorod rayonunda evlərdən birinin həyətində baş verən partlayış nəticəsində iki nəfər ölüb.

Partlayış partlayıcı qurğunun işə salınmasından sonra baş verib. İlkin məlumatlara görə, partlayıcı qurğu binanın çıxışına qoyulub.

Partlayışın yerli vaxtla səhər saat 6-da Ryazanski prospektində 2-ci binanın yaxınlığında baş verdiyi bildirilir.

Partlayış nəticəsində yaxınlıqdakı mənzillərin şüşələri sınıb. Hadisə yerinə hüquq mühafizə orqanlarının əməkdaşları göndərilib.

Onu da qeyd edək ki, məlumata hələ ki, rəsmi münasibət bildirilməyib.

Oxşar xəbərlər

Gəncədə mənzildə partlayış olub, xəsarət alan var

KİV: Qroznıda yanacaqdoldurma məntəqəsində partlayış nəticəsində dörd nəfər ölüb - YENİLƏNİB

Rusiyada qaz sızması nəticəsində binada partlayış olub