Rusiya Federasiyasının İnquşetiya Respublikasında pravoslav kilsəsinə və hüquq-mühafizə orqanlarının əməkdaşlarına hücumların qarşısı alınıb.

APA-nın Rusiya bürosu xəbər verir ki, bu bardədə Federal Təhlükəsizlik Xidməti məlumat yayıb.

Bildirilib ki, FTX Rusiya İstintaq Komitəsi və Daxili İşlər Nazirliyi ilə əməkdaşlıq çərçivəsində İnquşetiya Respublikası ərazisində silsilə terror cinayətlərinin qarşısını alıb.

Nazran şəhəri və Kantışevo kəndində respublika hüquq-mühafizə orqanlarının əməkdaşlarına və dini obyektlərə qarşı təxribat və terror aktları törətmək niyyətində olan Rusiya Federasiyasının vətəndaşları, Rusiyada qadağan olunmuş beynəlxalq terror təşkilatının tərəfdarları olan altı yerli sakin müəyyən edilərək saxlanılıb.

Qeyd olunub ki, terrorçular Sunja şəhərində Müqəddəs Məryəmin Şəfaət kilsəsinə hücum hazırlayıblar.

Onların yaşadıqları ünvanlarda, eləcə də təchiz olunmuş anbarda əldəqayırma partlayıcı qurğu, onun hazırlanması üçün komponentlər, odlu silahlar, terror təşkilatının simvolları aşkar edilib. Bundan əlavə, onların telefonlarında şəhər və meşə şəraitində döyüş əməliyyatlarının aparılmasına dair təlimatlar, partlayıcı və yandırıcı qurğuların yığılması ilə bağlı təlimatlar aşkar edilib.

Rusiyanın İnquşetiya Respublikası üzrə İstintaq İdarəsində faktla bağlı, cinayət işləri açılıb, əməliyyat-axtarış tədbirləri və istintaq hərəkətləri davam etdirilir.

Oxşar xəbərlər

Rusiya FTX terror aktı törətməyə cəhd edən şəxsi saxlayıb

Rusiya FTX: Bu il ölkədə 110 terror aktının qarşısı alınıb

Rusiyada bu il 110 terror aktının qarşısı alınıb

Komitə: Rusiyada bu il 110 terror aktının qarşısı alınıb

Rusiya FTX: Moskvadakı terror aktı ilə əlaqədar 11 nəfər saxlanılıb