Böyük Britaniyada polis əməkdaşları Kral III Çarlzın qvardiyasına qarşı terror aktının qarşısını alıblar.

“Report” xəbər verir ki, bu barədə “The Sun” qəzeti mənbəyə istinadən yazıb.

Qeyd olunub ki, hüquq-mühafizə orqanlarının əməkdaşları Britaniya monarxını mühafizə edən hərbçilərə qarşı törədilən terror aktının qarşısını alıblar.

Belə ki, ötən həftə polis Slau şəhərində hücum və yandırma məqsədi ilə silah saxlamaqda şübhəli bilinən bir gənci saxlayıb. Daha sonra o, terror aktları hazırlamaqda ittiham olunub. Hücum edən şəxsin təkbaşına hərəkət etdiyi güman edilir.

Təhlükəsizliyə görə Koldstrim mühafizəçilərinə iki gün ərzində hərbi geyimdə kazarmadan çıxmamaq əmri verilib. Kazarma Kral iqamətgahı olan Vindzor sarayından iki addımlıqda yerləşir.

Oxşar xəbərlər

Britaniyada terror aktı hazırlamaqda şübhəli bilinən iranlılar saxlanılıb

Rusiya FTX: Bu il ölkədə 110 terror aktının qarşısı alınıb

İranda terror aktının qarşısı alınıb

İsrailin Berlindəki səfirliyində terror aktının qarşısını alınıb

FTB: Nyu Orlean və Las-Veqasdakı terror aktları arasında heç bir əlaqə yoxdur