ABŞ Prezidenti Donald Tramp Rusiya lideri Vladimir Putinin odla oynadığını bildirib.

“Report” xəbər verir ki, o, bu barədə “Truth Social” sosial şəbəkəsində yazıb.

“Vladimir Putinin başa düşmədiyi odur ki, mən olmasaydım, indiyə qədər Rusiyanın başına çox sayda pis şeylər gələrdi və mən həqiqətən çox pis şeyləri nəzərdə tuturam. O, odla oynayır!”, - Tramp vurğulayıb.

Xatırladaq ki, mayın 25-də “Reuters” Rusiya Silahlı Qüvvələrinin gecə saatlarında münaqişə başlayandan bəri Ukrayna ərazisinə ən böyük hava hücumunu həyata keçirdiyini xəbər vermişdi.

Başverənlərə münasibət bildirən Tramp Rusiya liderinin hərəkətlərindən narazı olduğunu və onun niyə belə etdiyini bilmədiyini söyləyib. Ağ Evin sahibi vurğulayıb ki, o, həmişə Putinlə anlaşıb, lakin indi o, şəhərlərə raketlər atır və bu, onun narazılığına səbəb olur. Tramp həmçinin Rusiyaya qarşı yeni sanksiyaların mümkünlüyünü açıqlayıb.

Oxşar xəbərlər

Tramp: Mən olmasaydım, Rusiya ilə çox ciddi və pis hadisələr baş vermiş olardı

Tramp: Putinlə danışmaq niyyətindəyəm

Tramp mayın 19-da Putinə zəng edəcəyini bildirib

Tramp Ukrayna və Rusiya liderləri ilə danışıqlardan razı qalıb

Tramp Putinlə görüşmək istədiyini bildirib