Venesuelada ümumi seçkilərdə səsvermə keçirilir.

"Sizinxeber.az" EFE-yə istinadən xəbər verir ki, ölkənin səs vermək hüququ olan 21,4 milyon vətəndaşı Milli Assambleyanın 285 deputatını və ştatların qanunverici şuralarının 260 nümayəndəsini, həmçinin ölkənin bütün ştatlarının qubernatorlarını seçməlidir.

Agentlik qeyd edib ki, müşahidəçilərin əksəriyyətinin diqqəti Esekibo (Qayana) regionuna yönəlib: burada 2023-ci ildə Venesuelada keçirilmiş referendumda iştirakçıların əksəriyyəti bu regionun Qayana-Esekiba ştatı hüququnda Venesuelaya birləşdirilməsini dəstəkləyib. Bu regionda Venesuela qubernatorunun, yerli qanunverici şuranın yeddi üzvünün və Milli Assambleyanın səkkiz deputatının seçilməsi planlaşdırılır.

Ölkənin Milli Seçki Şurasının sədr müavini Karlos Kinteronun sözlərinə görə, ölkədə 15 min seçki məntəqəsi açılıb.

Ümumilikdə seçkilərdə 54 siyasi birlikdən 6,7 min namizəd iştirak edir, 36 partiya Milli Assambleyaya namizədlər irəli sürüb.

Oxşar xəbərlər

Maduro Venesuelada keçirilən prezident seçkilərində qalib gəlir

Venesuelada prezident seçkiləri keçiriləcək

Venesuelada konstitusiya islahatları aparılacaq

ABŞ 16 Venesuela məmuruna qarşı sanksiya tətbiq edib

Prezident Administrasiyasının rəhbəri Samir Nuriyev 34 saylı seçki məntəqəsində səs verib