Ukrayna Prezidenti Volodimir Zelenski Albaniyanın paytaxtı Tiranada Danimarkanın Baş naziri Mette Frederiksenlə görüşüb.

"Sizinxeber.az" xəbər verir ki, Zelenski görüşün nəticələri barədə teleqramda yazıb.

“Danimarkanın Baş naziri Mette Frederiksenlə yaxşı görüş keçirdik. Hərbi dəstəyin davam etdirilməsi və Ukraynanın müdafiə-sənaye kompleksinə birbaşa investisiyalar barədə danışdıq. Danimarka ölkəmizə dəstək göstərən ölkələrdən biridir və Ukrayna üçün artıq 26-cı hərbi yardım paketini hazırlayır”, - Zelenski bildirib.

Onun sözlərinə görə, tərəflər İstanbulda keçirilən danışıqları, ABŞ və Avropa tərəfdaşları ilə diplomatik səylərin koordinasiyasını da müzakirə ediblər.

“Bu ilin iyulunda Danimarka Aİ Şurasına sədrliyi üzərinə götürəcək. Biz Avropa inteqrasiyasında dəstəyə ümid bəsləyirik və bu məsələni görüş zamanı müzakirə etdik”, - Ukrayna lideri əlavə edib.

Oxşar xəbərlər

Danimarka Ukraynaya altı F-16 qırıcısı göndərib

Zelenski AK-nın rəhbəri ilə Rusiyaya qarşı 17-ci sanksiyalar paketini müzakirə edib

Zelenski Ostinlə döyüş meydanındakı vəziyyəti müzakirə edib

Zelenski və dörd Avropa lideri Trampla İstanbul danışıqlarını müzakirə edib

Zelenski və İtaliyanın Baş naziri Ukrayna Silahlı Qüvvələrinin müdafiə ehtiyaclarını müzakirə ediblər