Meksikanın Puebla ştatında baş verən yol qəzasında azı 21 nəfər ölüb.

“Sizinxeber.az” xəbər verir ki, bu barədə ştatın daxili işlər naziri Samuel Aqilar Pala məlumat verib.

Onun sözlərinə görə, hadisə bu gün səhər saatlarında Kuaknopalan-Oaxaka avtomobil yolunun 31-ci km-də baş verib: “Üç avtomobilin iştirakı ilə baş verən yol qəzası nəticəsində 18 nəfər hadisə yerində, daha 3 nəfər isə xəstəxanada dünyasını dəyişib”.

O əlavə edib ki, bir neçə nəfər müxtəlif dərəcəli bədən xəsarətləri alıb və onlara tibbi yardım göstərilir.

“N+” telekanalının məlumatına görə, yolda yük maşını, tanker və sərnişin avtobusu toqquşub.

Toqquşmadan sonra tanker partlayıb və magistralın həmin hissəsində nəqliyyatın hərəkəti müvəqqəti olaraq bağlanıb.

Oxşar xəbərlər

Meksikada ağır yol qəzasında 11 nəfər ölüb

Meksikada yol qəzasında 19 nəfər ölüb

Meksikada iki yol qəzasında 25 nəfər ölüb

Nigeriyada ağır yol qəzasında 40 nəfər ölüb

Meksikada baş verən yol qəzasında 24 nəfər ölüb