Pakistan hərbçiləri Hindistanın Cəmmu və Kəşmir ittifaq ərazisinin bir neçə rayonunda nəzarət xəttində yenidən atəş açıblar.

“Report” “Hindustan Times” qəzetinə istinadən xəbər verir ki, bu barədə Hindistan quru qoşunları bildirib.

“29-30 aprel 2025-ci il gecəsi Pakistan ordusunun postları Cəmmu və Kəşmir ittifaq ərazisindəki Nauşera, Sunderbani və Ahnur sektorları qarşısında nəzarət xətti boyunca atıcı silahlardan atəş açıblar. Hindistan ordusu qüvvələri tez və mütənasib şəkildə cavab veriblər”, – bəyanatda deyilir.

Atəşkəs rejiminin pozulması Hindistan – Pakistan sərhədində bir həftə ərzində 26 nəfərin həlak olduğu Cəmmu və Kəşmirdə baş vermiş terror aktından sonra Nyu-Deli və İslamabad arasında münasibətlərin gərginləşməsi fonunda qeydə alınır.

Oxşar xəbərlər

KİV: Hindistan-Pakistan sərhədində yenidən atışma baş verib

KİV: Hindistan və Pakistan hərbçiləri arasında atışma olub

Hindistan və Pakistan sərhədində vəziyyət gərgin olaraq qalır

Hindistan və Pakistan hərbçiləri arasında atışma baş verib

Pakistan və Hindistan Kəşmirdəki terror aktından sonra qarşılıqlı sərt tədbirlər görürlər