Avropa Komissiyası (AK) İspaniyada elektrik enerjisinin kəsilməsi ilə bağlı hərtərəfli araşdırma aparmaq niyyətindədir.

“Report” xəbər verir ki, bu barədə Avropanın enerji və mənzil-məişət məsələləri üzrə komissarı Den Yorgensen “X” sosial şəbəkəsində bildirib.

“Avropa Komissiyası İspaniya və Portuqaliyada elektrik enerjisinin kəsilməsi ilə bağlı hərtərəfli təhqiqata başlayacaq”, – avropalı rəsmi yazıb.

Daha əvvəl Avropa Komissiyasının nümayəndəsi Paula Pinyu qurumun aprelin 28-də elektrik enerjisinin verilişində kütləvi kəsintilərə səbəb kimi kiberhücum olmasını istisna etdiyini təsdiqləyib və böhranın bütün nəticələrini və mənşəyini öyrənəcəklərinə söz verib.

Avropa Komissiyasındakı mənbənin jurnalistlərə verdiyi məlumata görə, İspaniya və Portuqaliyada baş verən qəza Aİ enerji insidentlərinin ən yüksək – üçüncü ciddilik kateqoriyasında təsnif edilir. Bu o deməkdir ki, AK altı ay ərzində bu hadisənin səbəbləri və bütün təfərrüatları barədə ətraflı hesabat təqdim etməli olan İspaniya və Portuqaliyadan olan şəbəkə operatorları da daxil olmaqla ekspertlər panelini toplamalıdır.

Oxşar xəbərlər

Gürcüstanda bu ay ikinci böyük elektrik kəsilməsi qeydə alınıb

İspaniyanın bir neçə bölgəsində elektrik enerjisinin verilişi bərpa edilib - YENİLƏNİB

İspaniyanın elektrik enerjisini bərpa etmək üçün 6-10 saat lazımdır

İspaniyada elektrik kəsintisi səbəbindən azı 5 nəfər ölüb

Ukraynada elektrik enerjisinin kütləvi kəsilməsinin səbəbləri açıqlanıb