Avropa Komissiyası “Apple” və “Meta” şirkətlərini antiinhisar qanunvericiliyini pozduqlarına görə müvafiq olaraq 500 milyon avro və 200 milyon avro məbləğində cərimələməyə qərar verib.

“Report” xəbər verir ki, bu barədə Avropa Komissiyasının mətbuat xidməti məlumat yayıb.

"Bu gün Avropa Komissiyası müəyyən edib ki, hər iki şirkət Rəqəmsal Bazarlar Qanunu (DMA) üzrə öhdəklərini pozub. Buna görə də Avropa Komissiyası "Apple" və "Meta" şirkətlərini müvafiq olaraq 500 milyon avro və 200 milyon avro məbləğində cərimələyib", - bəyanatda qeyd olunub.

Bildirilib ki, bu qərarlar maraqlı şirkətlərlə geniş dialoqdan sonra qəbul edilib. Bu isə onlara öz baxışlarını və arqumentlərini ətraflı şəkildə təqdim etməyə imkan verib.

Oxşar xəbərlər

Avropa Komissiyası Ukraynaya enerji infrastrukturu üçün 40 milyon avro ayırıb

Fransa “Apple” şirkətini 150 milyon avro cərimələyib

Aİ Ukraynaya daha 148 milyon avro humanitar yardım ayırıb

Aİ Almaniyanı 34 milyon avro cərimələyıb