Avropa İttifaqı (Aİ) Rusiya ilə müharibənin davam etməsi ilə əlaqədar Ukrayna və onun Moldovadakı qaçqınları üçün əlavə 148 milyon avro humanitar yardım ayırıb.

“Report” xəbər verir ki, bu barədə Avropa Komissiyası məlumat yayıb.

"148 milyon avro məbləğində yeni maliyyələşdirmə həm Ukrayna, həm də Moldovada həyati əhəmiyyətli humanitar yardımı dəstəkləməyə davam edəcək, eləcə də Avropa Komissiyası tərəfindən ayrılan humanitar yardımın ümumi məbləği 1,1 milyard avronu ötəcək", - Avropa Komissiyasının bəyanatında deyilir.

Qeyd olunur ki, 140 milyon avro Ukraynada humanitar layihələrə (ərzaq, mənzil, təmiz su, səhiyyə və s.) yönəldiləcək.

Komissiyanın məlumatına görə, Ukraynanın şərq və cənub bölgələrində münaqişədən zərər çəkmiş ərazilərdə həssas əhali qruplarının dəstəklənməsi prioritet təşkil edir.

Oxşar xəbərlər

Aİ Ukraynaya humanitar yardım üçün 40 milyon avro ayırıb

Aİ Ukraynaya humanitar yardım üçün 148 milyon avro ayırıb

Avropa Komissiyası Ukraynaya enerji infrastrukturu üçün 40 milyon avro ayırıb