BMT-nin Nyu-Yorkdakı mənzil-qərargahında Bakı Təşəbbüs Qrupunun (BTQ) ev sahibliyi ilə keçirilən “Dekolonizasiya: Səssiz İnqilab” adlı beynəlxalq konfransda ötən gün Yeni Kaledoniyada Fransa polisi tərəfindən 2024-cü ilin may ayında etiraz aksiyaları zamanı öldürülən mülki şəxsin xatirəsi bir dəqiqəlik sükutla yad edilib.

“Report”un ABŞ bürosu xəbər verir ki, tədbir BTQ-nun icraçı direktoru Abbas Abbasovun moderatorluğu ilə keçirilir və gün ərzində çıxışlar və müzakirələrlə davam edəcək.

Konfransda dənizaşırı ərazilər — Qvadelup, Martinik, Kanaki (Yeni Kaledoniya), Sen-Marten, Reyunyon, Boneyra, Aruba, Mahoi Nui (Fransız Polineziyası) və Fransız Qvianasında fəaliyyət göstərən milli müqavimət hərəkatlarının rəhbərləri və üzvləri, Beynəlxalq Dekolonizasiya Cəbhəsinin təmsilçiləri, insan haqları müdafiəçiləri, siyasətçilər, dekolonizasiya üzrə ekspertlər, o cümlədən Fransanın keçmiş müstəmləkələrindən olan 50-dən çox nümayəndə iştirak edir.

Qeyd edək ki, bu beynəlxalq konfrans ilk dəfə BMT-nin rəsmi tədbiri kimi qeydiyyata alınıb.

Oxşar xəbərlər

BMT-də BTQ-nin təşkilatçılığı ilə dekolonizasiyaya həsr olunmuş beynəlxalq konfrans keçiriləcək

Bakı Təşəbbüs Qrupu BMT-nin mənzil-qərargahında beynəlxalq konfrans keçirir

Yeni Kaledoniyada Fransa müstəmləkəsi olan ərazilərin ilk konqresi keçirilir - FOTO - VİDEO

BTQ-nin fəaliyyəti Yeni Kaledoniya və Fransız Polineziyası ilə əlaqədar müsbət nəticələrə gətirib çıxarıb

BTQ-in icraçı direktoru: “Dekolonizasiya problemi kollektiv səylər tələb edir”