“Associated Press” (AP) agentliyinin jurnalistləri ABŞ administrasiyasının konstitusiyanı pozduğunu bəyan ediblər.

“Report” xəbər verir ki, bu barədə “İnterfaks” məlumat yayıb.

Səbəb Ağ Ev əməkdaşlarının AP-nin akkreditə olunmuş müxbir və fotoqrafını ABŞ Prezidenti Donald Trampın təyyarəsinə buraxmaması olub. İmtinaya səbəb isə agentliyin Meksika körfəzini Amerika körfəzi adlandırmaq istəməməsi göstərilib.

Agentliyin jurnalistləri bildiriblər ki, ABŞ administrasiyası fikirlərin sərbəst dərcinə mane olur.

"Jurnalistlər administrasiyanın bu hərəkətlərini ABŞ konstitusiyasına birinci düzəlişin pozulması hesab edirlər", - AP-nin məlumatında vurğulanıb.

Daha əvvəl administrasiya “Associated Press” müxbirlərini bu həftə Ağ Evdəki hadisələri, o cümlədən Hindistan lideri ilə mətbuat konfransını və Trampın Oval kabinetdə jurnalistlərlə ünsiyyətini işıqlandırmasını, agentliyi "dezinformasiyaya sadiq olmaqda" ittiham edərək əngəlləyib. AP jurnalistləri bu iddianı tamamilə yalan adlandırırlar.

Xatırladaq ki, ABŞ administrasiyası Trampın fərmanına əsasən Meksika körfəzini Amerika körfəzi adlandırıb və bu barədə ABŞ Daxili İşlər Nazirliyi rəsmi məlumat yayıb.

Oxşar xəbərlər

Kiçik Kennedi: Trampın faşizmdə ittiham edilməsi onun həyatına sui-qəsdə səbəb olur

“Google” xəritələrində Meksika körfəzinin adı dəyişdirilib

ABŞ-nin bir neçə ştatında Trampın siyasətinə qarşı etiraz aksiyaları keçiriləcək

KİV: Tramp Milli Təhlükəsizlik Şurasının genişmiqyaslı yenidən təşkili prosesinə başlayıb

Meksika Prezidenti: Dənizlərin necə adlandırıldığını "Google"a izah edəcəyik