NATO-nun keçmiş baş katibi Yens Stoltenberq Norveçin yeni maliyyə naziri təyin edilib.

Bu barədə "Sizinxeber.az" xarici KİV-ə istinadən xəbər verir.

Yeni Norveç kabinetinin tərkibini ölkənin Baş naziri Yonas Qar Styor açıqlayıb.

Y.Stoltenberqin özü də Norveçin yenilənmiş hökumətinə maliyyə naziri kimi daxil olduğunu təsdiqləyib.

"Qarşımızda duran çağırışları diqqətlə nəzərdən keçirdikdən sonra Baş nazir Styorun maliyyə naziri kimi işləmək təklifini qəbul etməyə qərar verdim", - o bildirib.

Y.Stoltenberq əlavə edib ki, əvvəllər razılaşdırılmış Münxen Təhlükəsizlik Konfransının sədri vəzifəsindən və digər öhdəliklərdən imtina etmir. Hökumətdəki iş dövrü başa çatdıqdan sonra onlara qayıdacaq.

Yens Stoltenberq ilk dəfə 1993-cü ildə Norveç hökumətində vəzifəyə başlayıb və 2000-ci ildə ilk dəfə Baş nazir olub. NATO-nun Baş katibi vəzifəsinə qədər Y.Stoltenberq bir müddət Leyborist Partiyasının lideri olub və bu rolu Yonas Qar Styora ötürüb.

Oxşar xəbərlər

KİV: Stoltenberq Münhen Konfransının yeni sədri olacaq

Stoltenberq: NATO-ya üzv olana qədər Ukraynada sülh olmayacaq

KİV: Stoltenberq Ukrayna-NATO Şurasının iclasını çağıracaq