Qəzza zolağının bərpası 10-15 il çəkəcək.

“Report” xəbər verir ki, bunu ABŞ Prezidenti Donald Trampın Yaxın Şərq üzrə xüsusi elçisi Stiven Uitkoff “Axios”a müsahibəsində bildirib.

“Belə bir fikir var ki, biz Qəzza üzrə planı beş il ərzində inamla həyata keçirə bilərik. Lakin bu mümkün deyil. Bərpa planı 10-15 il üçün nəzərdə tutulub”, – Uitkoff portala söyləyib.

Onun sözlərinə görə, “Qəzzadan, demək olar, heç nə qalmayıb”, o “yaşayış üçün yararsızdır”.

“Axios” vurğulayıb ki, Uitkoff “15 il ərzində Fələstin anklavını ziyarət edən ilk amerikalı rəsmi” olub. Xüsusi elçi qeyd edib ki, Yaxın Şərqə səfəri zamanı o, digərləri ilə yanaşı, Səudiyyə Ərəbistanının vəliəhd şahzadəsi Məhəmməd bin Salman Al Səud, həmçinin “dialoqu davam etdirməyi razılaşdığı” Fələstin Prezidenti Mahmud Abbas ilə görüşlər keçirib.

Qəzza zolağında atəşkəs rejimi yanvarın 19-da qüvvəyə minib.

Oxşar xəbərlər

Qəzza zolağında təxirə salınan atəşkəs qüvvəyə minib

İsrail hökuməti Qəzzada atəşkəs sazişini təsdiqləyib

Trampın nümayəndəsi Qəzza zolağına səfər edə bilər

Mahmud Abbas: Fələstin dövləti tanınmayana qədər Ər-Riyad İsraillə münasibətləri normallaşdırmayacaq

Trampın xüsusi nümayəndəsi 46 günə Qəzzada atəşkəsə nail olmaq niyyətindədir