Fələstin Prezidenti Mahmud Abbas ABŞ-nin yeni seçilmiş Prezidenti Donald Trampla Səudiyyə Ərəbistanının iştirakı ilə İsraillə sülhə nail olunmasını müzakirə edib.

“Report” TASS-a istinadən xəbər verir ki, o, bunu “Corriere della Sera” qəzetinə müsahibəsində deyib.

"Səudiyyə Ərəbistanı, ABŞ, Misir, İordaniya və Qətər həll yolunun tapılmasında maraqlıdır. Amerikalılar Səudiyyə Ərəbistanı ilə İsrail arasında münasibətlərini normallaşmasını istəyirlər, lakin baş nazir Benyamin Netanyahu Fələstin dövlətini tanımayana qədər Ər-Riyad İsraillə münasibətləri normallaşdırmayacaq. Trampla telefon danışığı zamanı Səudiyyə Ərəbistanının iştirakı ilə müharibənin başa çatması və sülhə nail olunması mövzusunu müzakirə etdik", - M.Abbas bildirib.

O, Fələstin Milli Administrasiyasının Qəzza zolağına nəzarəti öz üzərinə götürməyə hazır olduğunu deyib.

"HƏMAS xalqımızın bir hissəsidir, biz onu istisna etmirik, amma o, hökumət deyil", - Fələstin Prezidenti bildirib. O əlavə edib ki, 2007-ci ildə HƏMAS və İsrail arasındakı saziş Qəzza zolağını Fələstindən ayırmaq cəhdi idi. "Biz artıq belə bir saziş istəmirik", - M.Abbas vurğulayıb.

Oxşar xəbərlər

Mahmud Abbas: Fələstin yekun statusla bağlı İsraillə sülh danışıqlarına hazırdır

KİV: Mahmud Abbas Misir ərazisindən Qəzzaya gedə bilər

Putin Mahmud Abbası BRICS sammitində iştiraka dəvət edib

Fələstin Prezidenti Qəzza zolağına səfər etmək niyyətindədir