Çinin xarici işlər naziri Van İ fevralın ortalarında Böyük Britaniyaya səfər edəcək.

“Report” xəbər verir ki, bu barədə “The Guardian” qəzeti məlumat yayıb.

Səfər zamanı o, ötən ilin oktyabrında Çinə səfər etmiş britaniyalı həmkarı Devid Lemmi ilə danışıqlar aparacaq.

Nəşrin mənbələrindən birinə görə, Londonda onuncu Böyük Britaniya-Çin Strateji Dialoqu Van İnin səfəri ilə üst-üstə düşə bilər.

Məqalədə göstərilib ki, Van İ çox güman ki, 14-16 fevral tarixlərində keçiriləcək Münhen Təhlükəsizlik Konfransından əvvəl və ya dərhal sonra Londona səfər edəcək.

“The Guardian” diqqəti səfərin London qülləsinin yanında Çin səfirliyi üçün yeni binalar kompleksinin tikintisi məsələsinə baxılması ilə üst-üstə düşə biləcəyinə yönəldir.

Layihə əvvəllər rayon şurası tərəfindən rədd edilib və fevralın 11-də təklifə yenidən baxılacaq.

Touver-Hamlets səlahiyyətliləri yeni səfirlik binasının müntəzəm etirazların keçiriləcəyi yer olacağından narahatdırlar, lakin Leyboristlər Partiyasının hökumət rəsmiləri layihəni dəstəkləyiblər.

Oxşar xəbərlər

Blinken sentyabrın 9-10-da Böyük Britaniyaya səfər edəcək

NATO-nun baş katibi sabah Böyük Britaniyaya səfər edəcək

Çinin Dövlət Şurasının Baş naziri Pakistana səfər edəcək