Almaniyanın Solingen şəhərində şəhər festivalına gələnlərə bıçaqla hücum etməkdə şübhəli bilinən şəxs hadisədən 26 saat sonra polisə təslim olub.

"Report" xəbər verir ki, bu barədə “Bild” qəzeti məlumat yayıb.

O, şənbə günü yerli vaxtla saat 23:00 radələrində polisə yaxınlaşaraq "Axtardığınız mənəm" deyib. Qəzetin yazdığına görə, üzərində hələ də qurbanların qanının izləri olub.

Şimali Reyn-Vestfaliya daxili işlər naziri Herbert Reul bildirib ki, hücumu həyata keçirən şəxs nəzarətə götürülüb.

Şübhəli şəxs 2022-ci ildə qaçqın kimi Almaniyaya gələn 26 yaşlı suriyalıdır.

Xatırladaq ki, Almaniyanın Solingen şəhərində (Şimali Reyn-Vestfaliya) naməlum şəxsin şəhər festivalının qonaqlarına bıçaqla hücumu nəticəsində azı 3 nəfər ölüb, daha 4 şəxs yaralanıb.

Oxşar xəbərlər

KİV: İŞİD Almaniyanın Solingen şəhərindəki hücuma görə məsuliyyəti öz üzərinə götürüb

Almaniyada bıçaqlı hücum: 3 nəfər ölüb, 9-u yaralanıb

Almaniyanın Solingen şəhərindəki bıçaqlı hücumun terror olması istisna edilmir

Siyəzəndə 28 yaşlı qadının qətli ilə bağlı cinayət işi başlanıb - YENİLƏNİB