Suriya prezidenti Bəşər Əsəd vasitəçilərlə Amerikanın hazırkı administrasiyası və ABŞ-nin yeni seçilmiş lideri Donald Trampla əlaqə saxlamağa çalışıb.

“Report”un məlumatına görə, bu barədə “Bloomberg” mənbələrə istinadən xəbər verir.

Əsəd Qərbin ölkədə hərbi əməliyyatları dayandırmaq üçün müdaxiləsi müqabilində İranın dəstəklədiyi silahlı qruplarla əlaqələri kəsmək təklifi ilə Səudiyyə Ərəbistanı vasitəsilə Vaşinqtonla əlaqə saxlamağa çalışıb.

Bundan əlavə, Əsəd Macarıstanın baş naziri Viktor Orbanı müxalif qüvvələri hakimiyyəti ələ keçirəcəyi təqdirdə Suriyadakı xristianların üzləşə biləcəyi təhlükə barədə xəbərdar etməyə çalışıb. Trampla yaxşı münasibət saxlayan Orbanın bu məlumatı Amerika liderinə çatdıracağı güman edilib.

Oxşar xəbərlər

KİV: Bəşər Əsəd mühafizəçiləri ilə birlikdə Dəməşqdən qaçıb

KİV: Əsəd Türkiyə ilə təmaslar axtarmağa başlayıb

KİV: Bəşər Əsəd Türkiyə ilə dialoqdan imtina edib

Bayden sui-qəsd cəhdindən sonra Trampla əlaqə saxlaya bilməyib

KİV: Bəşər Əsəd Moskvadadır