Gürcüstanın Baş naziri İrakli Kobaxidze müxalifətin ölkədəki parlament seçkilərində pozuntuların olması ilə bağlı ittihamlarını rədd edib və təkrar seçkilərin olmayacağını bildirib.

“Report” “İnterfaks”a istinadən xəbər verir ki, bunu hökumət başçısı jurnalistlərə açıqlamasında bildirib.

Onun sözlərinə görə, Prezident Salome Zurabişvili və saxtakarlıq faktlarını açıq şəkildə bəyan edən müxalifət liderləri prokurorluqla əməkdaşlıqdan imtina edir və yeni seçkilərin keçirilməsini tələb edirlər.

"Tezliklə Mərkəzi Seçki Komissiyası (MSK) seçkilərin nəticələrinə yekun vuracaq. Bundan sonra parlamentin ilk iclası keçiriləcək və hökumət üzvləri təsdiqlənəcək. Müxalifətdən seçilmiş deputatların parlamentin işində iştiraklarına gəldikdə, baş nazir bildirib ki, bu, onların öz işidir.

Qeyd edək ki, Gürcüstan MSK-nın məlumatına görə, 26 oktyabrda keçirilən parlament seçkilərində hakim "Gürcü Arzusu" partiyası qalib gəlib.

Oxşar xəbərlər

Orban: Gürcüstanda seçkilərin demokratik keçdiyini heç kim inkar edə bilməz

İrakli Kobaxidze: Səsvermənin nəticələri ilə bağlı MSK-nın elan edəcəyi istənilən qərarı qəbul edəcəyik

Bu gün Gürcüstanda parlament seçkiləri keçiriləcək

Gürcüstanın hakim partiyası parlament seçkilərində 54 faizlə qalib gəlir - YENİLƏNİB

Gürcüstan Baş naziri: Zurabişvilinin ikinci dəfə prezident olmaq şansı yoxdur