Cənubi Koreyanın yeni hərbi müdaxiləsi müharibə elanı sayılacaq və cavab zərbələri ilə nəticələnəcək.

“Report” xəbər verir ki, bu barədə Koreya Mərkəzi Teleqraf Agentliyi (KMTA) Şimali Koreya Müdafiə Nazirliyinə istinadən məlumat yayıb.

Nazirlik Seulun hərbi obyektlərinin KXDR ərazisinə, hava məkanına və ərazi sularına təkrar müdaxiləsinin Pxenyan tərəfindən ölkənin suverenliyinə qarşı ciddi hərbi təxribat, habelə müharibə elanı kimi qiymətləndiriləcəyini vurğulayıb.

"Bunun ardınca dərhal cavab zərbələri endiriləcək", - Nazirlik bəyan edib.

Oktyabrın 19-da Cənubi Koreyaya məxsus pilotsuz uçuş aparatının (PUA) qalıqlarının Pxenyanın ərazilərindən birində tapıldığı bildirilib.

Xatırladaq ki, Koreya Xalq Ordusunun Baş Qərargahı oktyabrın 9-da Koreya Respublikası ilə avtomobil və dəmir yollarını bağlayacağını və “cənub sərhədini qalaya çevirəcəyini” açıqlamışdı.

Oxşar xəbərlər

KXDR Koreya Respublikası ilə əlaqəni tamamilə kəsib

Şimali Koreya Cənubi Koreya ilə sərhədi “qalaya” çevirəcək

Seul KXDR-in Cənubi Koreyaya gedən yolları partladacağını güman edir

Şimali Koreya yenidən Cənubi Koreyaya zibil balonları buraxıb

KXDR Cənubi Koreyaya yenidən şarla tullantı göndərib