Ruandada Marburq qızdırması xəstəliyinin 58 yoluxma halı, o cümlədən 13 ölüm halı qeydə alınıb.

“Report” xəbər verir ki, bu barədə Ümumdünya Səhiyyə Təşkilatı (ÜST) məlumat yayıb.

“10 oktyabr tarixinə Ruandada Marburq virusunun səbəb olduğu xəstəliyin ümumilikdə 58 yoluxma halı, o cümlədən 13 ölüm halı qeydə alınıb. Ölüm nisbəti 22 % təşkil edir”, – məlumatda deyilir.

Təşkilat əlavə edib ki, qızdırmaya yoluxduqdan sonra 15 nəfər sağalıb. Eyni zamanda, yoluxanlarla təmasda olan 700-dən çox insan həkimlərin nəzarəti altındadır.

ÜST epidemiyanı 3-cü səviyyəli fövqəladə vəziyyət kimi təsnif edib. Qeyd olunur ki, bu, fövqəladə hallar üçün ən yüksək daxili səviyyədir. Bununla əlaqədar olaraq, təşkilatın sürətli reaksiya qrupu yerli tibb müəssisələrinə dəstək vermək üçün ölkəyə göndərilib.

Oxşar xəbərlər

BMT: Ruandada Marburq virusundan 11 nəfər ölüb

İlin əvvəlindən Afrikada meymuniçəyinə 35,5 min yoluxma müəyyən edilib

İlin əvvəlindən Afrikada meymunçəyinə 35,5 min yoluxma müəyyən edilib

ÜST yeni qlobal epidemiya riski barədə xəbərdarlıq edib

Afrikada meymunçiçəyi epidemiyası sürətlə yayılır